Særskild i Norge
Hyttedraumen finnast hos mange, og ho er ulik frå person til person. Hyttetradisjonen finnast nok i fleire delar av verda, på ulike stadiar, men blant nordmenn er den ekstra Tradisjonell med stor T. Då er det familiehelg til det fulle, med god mat, alltid fleire typar brettspel som til dømes Yatzy, eller kortspel.
Ein reiser på hytta for å slappe av og tilbringe tid med familien. Det er ein god plass å skape tradisjonar på. Mange feirar jul og påske på hytta. Ein reiser gjerne på hytta istadenfor å reise ein langtur.
«Slappar ein ikkje av heime?»
– Nei, ikkje på samme måte som på hytta. Heime finnast det samtlege faktorar og gjenstandar som minner deg om kvardagen og alle gjeremåla, men på hytta er det berre det som høyrer hytta til. Heime tar ein seg ikkje tid til å sitte rundt bordet og spele kort eller brettspel, men det ein gjerne på hytta. Her velger ein gjerne vri åttar framfor TV.
Teknologien i dag er langtkomen, og i dei inste dalane og fjordane har du tilgang til fiber. Det er flott, men mange foretrekker å ikkje ha internett tilgjengeleg på hytta. Kjelden som har oppgitt dette, seier dei slappar betre av utan internett på hytta.
Ingen aldersgrense
Mor, far, tanter, onklar og alle søskenbarna reise gjerne på hytta i lag. Dei fleste hytter har ein hems, og det er der barna held til store delar av innetida. Hemsen er liksom barna sin soveplass. Det er eit kjent fenomen at ein hiver alle søskenbarna i ein haug på hemsen, og der søv dei godt.
Det er ingen aldersgrense på hytta, og alle aktivitetar er gjerne tilpassa kompaniet du har reist på hytta med. Det eksisterar eit særskild fellesskap, og dugnadsånden er sterk. Alle bidrar og tar i eit tak. Som til dømes å hjelpe til med middagen. Ein går gjerne på tur saman, eller ein finn på andre kjekke aktivitetar, som til dømes akekonkurranse blant alle generasjonane som er tilstades.
(Artikkel held fram under bilete)
Trygge og gode assosiasjonar
Når vi spør samtlege om kva dei assosierar med ordet «hytta» får vi høyre blant anna: Fjelltur, innekos, peiskos, familietid, god mat, ullsokkar, venner, pledd, god stemning, avslapping, tryggheit og late dagar. Hytta er ein fristad der ein skal kjenne på å kunne vere seg sjølv og kjenne på tryggleik.
